  |
  
|
嫦記-有魚翅食的冷氣大排檔
5月30日星期三的晚上，約了朋友去黃泥涌市政大廈的嫦記食飯，這裡是明星飯堂，好多明星都係呢度食過，我們都點了一些出名的菜式：
雞炖翅：一大煲$280的雞炖翅，真材實料，沒有添加味精，湯很清甜，翅亦很多，4個人都還有多呢！
花枝小棠花：內有清新的小棠花，有咬口的花枝，混在一團香煎，外脆內鮮，亦得推介！
黃金蝦：新鮮，蝦都算大隻，爽口彈牙，咸蛋亦令蝦很入味，不過$100先得10隻左右有點兒偏貴。
砵酒焗生豪：好入味，爆香後的豪，外表香口，內裡嫩滑多汁，有的10多隻，都好抵食，洋蔥亦很惹味！
蒜子上湯浸白菜：新鮮青綠的蔬菜。
風沙雞：很期待的半隻雞，等了差不多半小時，有一點點失望呢！一來比較細隻，$80半隻亦不平宜呢！極多的香蒜企圖暪著沒有鮮味的事實！過熟的雞肉踢走了嫩滑的質感，香脆的外皮只是風沙雞的指定動作呢！
手抓骨：值得推介！外表香口而有醬汁，內裡的肉亦有豐富的肉汁！雖然之前漏了單，但這額外的15分鐘也值得等的！
結賬共$721，平均每人$180，不算平，不過大排檔食翅，小弟卻是第一次！ 
menu
是日推介
好多人呢！
結果都係清哂！
5月24日，同好友去睇魔盜王3，睇戲之前，去了荃灣廣場地下的滇家菜吃晚餐。味道、水準一般，不過唔係好多人，可以坐得舒舒服服。4個人點了以下的菜：
紅燒肉，不太林，又不膩口，不錯的選擇，肉亦入味！
回鍋肉：幾spicy，小心小心！
銀絲卷：一吃無妨。
水煮桂花魚：好好味呀，沒有骨的，好滑，鮮甜而不太辣！
氣鍋雞：真材實料，沒有加味精呢！
什菌肉鬆豆腐：家常小菜一個。
蒜子肉鬆時蔬：都幾好味，不錯！
結賬共$460左右，平均每人115，都算抵食，最衰無dbs、永亨credit card，如果唔係仲有9折！
北京學生課堂侮辱老師
http://news.163.com/07/0527/22/3FHKP8KN00011229.html
好多人冇書讀，而呢班人有書讀都唔好好珍惜，希望我們成日係街的捐款，唔係用來資助呢班人啦！
星期日到了青龍頭豪景花園內的大八方中國料理食飯，裝飾得好靚，起初幾為好貴，但不過只係一般酒樓的價錢，而且全海景，食客可以出露台影相！聽聞仲可以BBQ添！
4個大人+2個BB，所以都唔係叫好多野食，叫了3菜1湯：
椰子煲雞湯：好好味，好鮮甜，唔似有味道，真材實料！
紅燒元蹄：唔係間間酒樓有得食，因為功夫多，時間長，好難做好入味，難得呢間做得好好，好入味，皮真係好香，入口即溶，一點肥膩的感覺都冇！肉林得來仲有一點咬口，$98真係超值、超大隻！
上湯海蝦伊麵：$68，又係超值之選！海蝦好新鮮彈牙，剪了蝦頭令蝦身更加入味！有心思！ 伊麵好多，4大2BB都食唔哂！
紅燒豆腐：媽媽叫的家常小菜，水準一般，好彩味精不多！
部份MENU
下次食飯時帶埋腳架先！
上星期四收工後，去左北角渣華道街市的東寶小館食飯！真係聞名不如見面，去到7時15分左右，已經全場爆滿，我同個friend都要係取no，等了15分鐘後先可以有位。
一坐低，當然要叫支啤酒啦，20蚊一支雖然唔平，不過雪凍了的 “戰鬥碗”好有特色，碗底有一個 “勝”字，寓意 “飲勝”！當晚3個人一共飲了4大支！
甘遠來到，當然要叫一d特色野食啦，叫了風沙雞半隻、墨汁尤魚、XO醬通菜、酥炸鯪魚球、同埋鴨汁荷葉飯，共$400左右，一人百幾蚊，都唔算太貴。
墨汁尤魚：最快到的食物，賣相特別，出面唔係間間食到，尤魚新鮮彈牙，墨汁沒有味道，牒底有意粉，整體都幾大牒。
XO醬通菜：普通菜式，牒頭都OK，不過幾辣。
風沙雞：$90半隻，真係幾貴！不過好好味。皮脆肉滑，有肉汁，平日食的質素可能好DD，但係冇乜雞味，可能唔係用新鮮雞啦！
鴨汁荷葉飯：好似係$70，超大牒啦！食到最尾都食唔哂。鴨汁﹖唔係好似甘….不過都幾好味啦，幾多料！
酥炸鯪魚球：素質一般，可以不理，不過幾香口，送啤酒都唔錯。
POCKET PC對好多人來講，只係一本電子記事薄，但我就盡可能利用POCKET PC的功能，我先後用過 CASIO E200、TOSHBA、ASUS A716及依家的DELL 51V，我用POCKET PC的功能及對非POCKET PC比如下：
1.電子記事 (記事薄)
2.電子地圖 (地圖)
3.聽歌 (MP3 PLAYER)
4.睇戲 (DVD PLAYER)
5.打字 (手寫 / 打字機)
6.電子計算機 (計算機)
7.錄音功能 (錄音機)
8.鬧鐘功能 (鬧鐘)
9.上網 (PC)
10.打機 (NDS/PSP)
11.多合一搖控 (幾十款不同搖控)
12.發光 (電筒)
13.電子書、報刊、雜誌 (印刷的書、報刊、雜誌)
14.電子發聲字典 (傳統字典)
15.電子相薄 (傳統相薄)
其實POCKETPC 仲有好多其他功能的，只係要大家慢慢發現！下一部我希望可以轉做POCKET PC PHONE啦，因為可以影相同埋、拍片及電話功能，不過我會等WINDOWS MOBILE 6出左，多D款式選才決定！
5月8日星期二，第一日番工，第一日正正式式的做marketing的工作，我的職位係marketing officer，公司係trading公司來的，產品係杯牒餐具等等household product，主要係出口至各大班連鎖店。
我一坐低，上司就比左份menu我睇，原來係公司守則，睇完之後，加埋上司的指引：
1. 公司會監視你的e-mail、上網紀錄
2.公司有閉路電視錄影、錄音
3.上網要特別批准
4.電話對話會錄音，"用作教學用途"
5.唔比用藍芽！
6.去廁所都要拍卡！ (會紀錄出入次數、時間嗎?...)
7.遲到每5分鐘扣10蚊，用作每月lunch基金
進行了半個鐘左右的training，我連咩產品打咩產品都未識的時候，便要即刻埋牙了！嘩！幾千種不同的產品、不同的質料，混亂的系統及server，真係想大爆粗口！
不停的打quotation，但係product code只有阿head才知，個server的product 及trade 3000的platfrom都好亂，又多duplicated product code！真係媽媽聲，搞到我不知幾好學，因為要每事問麻！咩都唔知唔識，搞到我好似好絛能，咩都唔識甘！
幾日來都係不停的打quotation，同事們真係好特別，有用不完的精力！ 番工早到，lunch又遲遲都唔去食，收工更不在話下啦，成日都話收8-9點........anyway，暫時來講，幾位同事都好helpful、上司都好nice (表面上?).. 同事都好好傾，特別係佢，係一個好健談的女仔！
做了2日，我就想唔做，因為超悶、冇得出街，冇自由！ 但係都有利好因素，例如同事、上司好，人工ok甘啦！ 依家見步行步啦，6月搬完公司才定我自己的去向！其實我想找一份工，係安安定定的工，可以比我有時間、精神完成我的marketing degree，之後大展我的事業！
我的每一日，都有神的保守，神會指引我的道路，我的每一步，祂都會眷顧普我的！這份工，是神恩賜的，我要好好珍惜！
5月9日星期三，同友人去左銅鑼灣閒逛了一陣，之後去左恆隆中心3/F的"悠"日本料理，真係一分錢，一分貨，平均每人2百幾蚊，唔平，不過有質素！
去到時大約19:40，沒有人等位，門口的和民都係，可能係因為"星期三"啦，入到去原來環境好正，環形的椅，有自成一格的感覺，燈光柔和，同女朋友去食飯就最一流！ 可能環境真係好好，場內好多日本人食，唔講甘多啦，大家開飯啦！
開飯前，當然要隊一隊啦！ 一支720ml 的日本清酒"三日" $180，不太貴， "半月"就$200，"滿月"就260左右。
三文魚米餅， $38，同menu的相有幾大差距，好有口感，不過汁比較濃郁。
生蠔鍋- 5-6隻手指公甘大的鍋，好有蠔味，唔係一味大隻個d，豆腐及冬菇都好入味！好似係$38
蒸煮蜆- $36，好鮮甜，一d沙都冇，沒有死蜆，有良心！
我的至愛，椒鹽雞軟骨，$25，去親日本料理都會叫的！好香口，炸漿超薄，唔油！有水準！
等了半個鐘以為唔來的火录牛肉卷，好好味呀！牛肉岩岩好，一d腥的感覺都冇！點點wasabi仲正！
除此之外亦叫了北寄貝、鰻魚壽司，水準一般，沒有太大的驚喜，呢度的服務態度好好，成日都來幫我地添酒，撐檯腳一流，順帶一提，呢度主打食日本火鍋，不過我同個friend 得2條友，驚叫得火鍋來就叫唔到其他野食，所以唔叫到，不過我見對流檯的火鍋食物都好正！下次可以一試！
今日下午，收到了一個電話，原來係上星期五見工的公司，叫我聽日番工，嘩！真係好開心，心情即係輕鬆哂，放下心頭大石，2個多月了，終於第1次second in便成功被取錄！ 呢間公司係上環的一間家庭用品公司，而我的職位係marketing officer，人工我亦滿意，希望可以用到我過去/現在所學的一切！雖然我沒有正正式式的做過marketing，但我一定會好好的學習，不再以往的懶散！
哥林多前書10章13節：你們所遇見的試探、神是信實的、必不叫你們受試探過於所能受的。在受試探的時候、總要給你們開一條出路、叫你們能忍受得住。
歡迎試聽 ( http://samuel_cheung.sinaman.com/foundyou.wma )
尋著您的那天
傳說人生 只不過是個夢，無方向、無意義、沒內容；
貧窮或富足，結局都一樣相同，
如炊煙飄散埋在糞土中…
茫茫人海 找快樂美夢，無傷痛、無怨恨、沒淚容；
流浪在世間，試圖找絢爛彩虹，
但千山走遍仍未見影蹤…
直到一天，我在塵世尋著您，
徬徨空虛悄然消失遠飛；
與您偶遇原是我畢生的福氣，
如黑夜盡頭重現晨曦！
在那一天，我在塵世尋著您，
從前孤單我從此不記起；
您賜盼望、承諾這愛永沒盡期，
灰色人生變成絕美！
到世界盡頭唯願我始終毋忘記：
驚喜人生乃來自您！
